Өткізілген іс-шаралар
«Тарихи-мәдени мұра: тәжірибелер, мәселелер және даму болашағы» тақырыбындағы республикалық семинар-кеңес
Ақпарат қосылу\жаңартылу күні: 20.04.2018
Жалпы ақпарат:
18 - сәуір Халықаралық ескерткіштер мен тарихи орындар күнін 1982 жылы ЮНЕСКО жанынан құрылған Ескерткіштер мен Көрікті орындар мәселелері бойынша Халықаралық кеңес Ассамблеясы бекітті. Мереке әлемде 1984 жылдың 18 сәуірінен бастап өтілуде, атаулы мереке мәдени құндылықтарымызды сақтау және халық арасында насихаттау барысында түрлі шаралар ұйымдастырылып келеді.
Бүгінгі күні облыс бойынша 517 ескерткіш мемлекет қорғауына алынған. Оның ішінде 30 ескерткіш республикалық, 256-ы жергілікті маңызы бар, 231 ескерткіш тарихи-мәдени мұра объектілерінің алдын-ала тізіміне енгізілген.
Облыс әкімдігінің қолдауымен төрт жыл көлемінде облыс аумағындағы Сығанақ, Жанкент және Шірік Рабат, Сортөбе, Жент қалашықтары мен Кердері кесенесіне археологиялық зерттеулер кешенді түрде жүргізіліп келсе, оған қоса қосымша үстіміздегі жылы Қышқала, Бәбіш Молла қалашықтарына қазба жұмыстары жоспарланды.
Сыр өңірі ескерткіштерін ЮНЕСКО-ның Дүниежүзілік мұралар тізіміне енгізу мақсатында Сығанақ, Жанкент қалашықтары мен Сауысқандық петроглифтерінің, Жетіаасар мәдениеті ескерткіштерінің толық құжаттамалар топтамасы әзірленіп, қорғау аймақтары белгіленді.
Сонымен қатар, үстіміздегі жылдың екінші жартысында белгілі тұлғаларды ұлықтау мақсатында облыс және аудан орталықтарында жаңадан ескерткіштер мен мүсіндер бой көтеретін болады.
Қызылорда облысының мәдениет, архивтер және құжаттама басқармасының қолдауымен облыстық тарихи және мәдени ескреткіштерді қорғау жөніндегі мемлекеттік мекеменің ұйымдастыруымен Халықаралық ескерткіштер мен тарихи орындар күніне орай 17 сәуір күні өңірлерден келген қонақтар Жетіасар мәдениеті ескерткіштері мен Қорқыт ата ескерткіш кешенін аралап экскурсия жүргізілді. 18 сәуір күні «Тарихи-мәдени мұра: тәжірибелер, мәселелер және даму болашағы» тақырыбындағы республикалық семинар-кеңес саладағы өзекті мәселелерді талқылауға, олардың шешу жолдарын қарастыруға, тарихи-мәдени мұраларды сақтау және пайдалану бағытындағы шараларды насихаттауға арналды. Шараға Түркістан қаласынан Қожа Ахмет Яссауи атындағы халықаралық қазақ-түрік университетінің ғалымдары, Алматы, Оңтүстік Қазақстан, Жамбыл, Батыс Қазақстан, Ақтөбе, Атырау облыстарының тарихи-мәдени мұраны қорғау жөніндегі облыстық орталықтары мен инспекцияларының директорлары Ғ.А.Оспанов, Ж.К.Құрбан, С.Р.Ілияс, Т.Т.Жүсіпқалиев, А.М.Мамедов, М.Кипиев және Жамбыл, Қарағанды облыстарының тарихи-мәдени мұраны қорғау жөніндегі мамандары, аудандық мәдениет және тілдерді дамыту бөлімдерінің басшылары, БАҚ, Қорқыт ата атындағы Қызылорда мемлекеттік университетінің ғалымдары, өңірлік «Рухани жаңғыру» орталығының өкілдері және басқарма басшылары қатысты.
Республикалық семинар-кеңес қатысушыларына Ә.Тәжібаев атындағы облыстық әмбебап ғылыми кітапханасында «Сыр бойы – мыңжылдықтар мирасқоры» тақырыбында көрме ұйымдастырылды. Сонымен бірге, облыс орталығы мен аудандарда осы маңызды күнге орай мәдени-көпшілік іс-шаралар, тақырыптық лекциялар, дөңгелек үстелдер, көрмелер және ескерткіштердің айналасында сенбіліктер, көркейту-көгалдандыру және аумақты тазалау жұмыстары жүргізілді.
«Тарихи-мәдени мұраларды сақтау және оларды насихаттаудың өзектілігі» тақырыбында семинар-кеңес өткізілді
Ақпарат қосылу\жаңартылу күні: 11.01.2018
Жалпы ақпарат:
«Тарихи-мәдени мұраларды сақтау және оларды насихаттаудың өзектілігі» тақырыбында семинар-кеңес өткізілді
2018 жылдың қаңтар айының 11-де облыстық тарихи және мәдени ескерткіштерді қорғау жөніндегі коммуналдық мемлекеттік мекемесінің ұйымдастыруымен «Тарихи-мәдени мұраларды сақтау және оларды насихаттаудың өзектілігі» тақырыбында кезекті семинар-кеңес өткізілді. Семинарға мекеме қызметкерлері мен қала және аудандық мәдениет және тілдерді дамыту бөлімдерінің тарихи-мәдени ескерткіштер жөніндегі мамандары қатысты. Семинар-кеңестің күн тәртібінде 2017 жылы атқарылған жұмыстар қорытындыланып, сала бойынша аудан тарапынан атқарылатын жұмыстардың маңыздылығы туралы мәселелер қаралып, алға қойылған жоспарлар талқыланды.
Мұстафа Шоқай білім алған Қызылорда қаласындағы Перовск училищесі (қазіргі Аль-асад сауда үйі) ғимаратына мемориалдық тақта орнатылды
«Қазақстанның киелі жерлерінің географиясы» жобасын жүзеге асыру жөніндегі облыстық жұмысшы тобының отырысы
Ақпарат қосылу\жаңартылу күні: 11.12.2017
Жалпы ақпарат:
Мемлекет басшысы «Болашаққа бағдар: Рухани жаңғыру» атты мақаласы аясында 2017 жылы 6 желтоқсанда «Қазақстанның киелі жерлерінің географиясы» жобасын жүзеге асыру жөніндегі облыстық жұмысшы тобының отырысы өтті. Оның құрамында елімізге белгілі ғалымдар, өлкетанушылар, жергілікті атқарушы органдардың, оқу орындарының басшылары, мәдениет, руханият, білім, бұқаралық ақпарат құралдарының өкілдері бар. Отырыста жалпыхалықтық және өңірлік маңызы бар ұсынылған киелі жерлер тізімі нақтыланды.
«Қасиетті Қазақстан» ғылыми зерттеу орталығы мамандарының қатысуымен өткізілген отырыс
Ақпарат қосылу\жаңартылу күні: 11.12.2017
Жалпы ақпарат:
2017 жылдың 29 қарашасында облыстық тарихи-өлкетану музейінде Елбасының «Болашаққа бағдар: Рухани жаңғыру» бағдарламалық мақаласындағы «Қазақстанның киелі жерлерінің географиясы» жобасын жүзеге асыру аясында Қызылорда облысына келген «Қасиетті Қазақстан» ғылыми зерттеу орталығы мамандарының қатысуымен отырыс ұйымдастырылды.Отырысқа «Қасиетті Қазақстан» ғылыми зерттеу орталығының ғылыми қызметкерлері Сұрағанова Зүбәйра Қабиқызы және Рақымбердіқызы Арайлым қатысты. Сондай-ақ, Қызылорда облысының мәдениет, архивтер және құжаттама басқармасы басшысының міндетін атқарушы Абуова Мира Рақымжанқызы, Қорқыт ата атындағы Қызылорда мемлекеттік университеті «Қорқыттану және өлке тарихы» ғылыми-зерттеу институтының директоры, филология ғылымдарының докторы Кәрбозов Бағдат Кәрбозұлы, Қорқыт ата атындағы Қызылорда мемлекеттік университеті «Археология және этнография» ғылыми зерттеу орталығының жетекшісі, тарих ғылымдарының кандидаты Тәжекеев Әзілхан Әуезханұлы, «Қазақстан-Қызылорда» телеарнасының редакторы, тарихи мәдени мұралардың жанашыры Есімсейітова Қаршыға Құрмашқызы және Қызылорда облыстық тарихи-өлкетану музейінің директоры Бекмамбет Бақыткүл Тоқтамұратқызы, облыстық тарихи мәдени ескерткіштерді қорғау жөніндегі КММ – нің директоры С.Козейбаев және мекеме археологы Елеуов Еркебұлан, облыстық тарихи-өлкетану музейінің ғылыми қызметкері Сайлау Асхат қатысты.Елбасы өз сөзінде: «Жергілікті нысандар мен елді мекендерге бағытталған «Туған жер» бағдарламасынан бөлек, біз халықтың санасына одан да маңыздырақ жалпыұлттық қасиетті орындар ұғымын сіңіруіміз керек. Ол үшін «Қазақстанның қасиетті рухани құндылықтары» немесе «Қазақстанның киелі жерлері» бағдарламасы жобасы», – керек деген болатын. Бұл жобаны іске асыру мақсатында еліміз бойынша қасиетті орындардың тізбесі жасақталуда. Елбасы тапсырмасын тиянақты орындау үшін Ұлттық музей жанынан «Қасиетті Қазақстан» ғылыми зерттеу орталығы құрылды. Қазақстанның қасиетті жерлерін анықтау жұмыстары Сыр өңірінде де қарқынды жүзеге асырылуда. Өлкемізден қасиетті орындарды саралап сараптау үшін облыс әкімінің бекітуімен өңірлік комиссия құрылды.
Үстіміздегі жылдың 17 тамызында Қазақстан Реаспубликасы Президенті Әкімшілігінің басшысы – Ұлттық комиссияның төрағасы Ә.Р.Жақсыбековтың төрағалық етуімен ҚР Президенті жанындағы Қоғамдық сананы жаңғырту бағдарламасын іске асыру жөніндегі ұлттық комиссияның үшінші отырысында «Қазақстанның жалпыхалықтық маңызы бар қасиетті орындары» тізімінің жобасы таныстырылып, облыс бойынша 12 тарихи нысан Қазақстанның киелі орындары тізіміне енді.
Ал, осы жоба аясында жергілікті маңызы бар қасиетті орындардың тізімі жасалып, 36 тарихи нысан ұсынылды.
Отырысты өткізудің басты мақсаты - ұлттық құндылықтарымызды және ата-бабаларымыздан қалған мұраларды сол күйінде сақтап, өскелең ұрпаққа жеткізу.
2015 жылғы 18-сәуір «Халықаралық ескерткіштер мен тарихи орындар күніне» орай өткізілген Шахмардан Әбдіхалықовтың «Туған жер – тұнған шежіре» атты фотокөрмесі
Ақпарат қосылу\жаңартылу күні: 29.09.2017
Жалпы ақпарат:
2015 жылғы 18-сәуір «Халықаралық ескерткіштер мен тарихи орындар күніне» орай өткізілген Шахмардан Әбдіхалықовтың
«Туған жер – тұнған шежіре» атты фотокөрмесі
18-сәуір Халықаралық ескерткіштер мен тарихи орындар күні. Бұл мереке алғаш рет 1984 жылы атап өтілді. 1983 жылы ЮНЕСКО жанынан құрылған Халықаралық ескерткіштер мен көрнекті орындарды қорғау мәселелері жөніндегі кеңес ассамблеясы осынау атаулы күнді бекіткен болатын. Бүгінгі таңда осы ұйымның қатарында әлемнің 175 мемлекеті бар. Дүниежүзінің 122 еліндегі 754 тарихи құндылық ЮНЕСКО тізіміне енгізілген. 2003 жылы осы тізімге еліміздегі «Әзірет Сұлтан» тарихи-архитектуралық кешені, Алматыға таяу Тамғалы шатқалындағы жартастағы бейнелер топтамасы енгізілді.
Атаулы мерекеге орай Сыр өңіріндегі тарихи құндылықтарға қызығушылық танытып, бірнеше жылдан бері өңіріміздің түкпір-түкпірінде орналасқан мұраларымыздың фотошежіресін жасақтап жүрген Шахмардан Әбдіхалықовтың «Туған жер – тұнған шежіре» атты фотокөрмесін ұйымдастырылды. Атап айту керек Шахмардан Әбдіхалықов осындай көрмелерін еліміздің Астана, Алматы қалаларында ұйымдастырып, жергілікті тұрғындардың ықыласына бөленді. Осындай көп жылғы еңбегі мен ізденісінің арқасында оның шығармашылығы бағаланып, ол облыс әкімінің стипендиаты атанып, түрлі конкурстардың жеңімпазы атанды.
Ұйымдастырылған көрмеде Сыр өңірінің тарихи-мәдени мұраларынан сыр шертетін сан түрлі фотосуреттері ұсынылды.
Қазақ хандығының 550 жылдығына арналған "ҰЛЫ ДАЛА ЕЛІ" атты республикалық экспедиция
Ақпарат қосылу\жаңартылу күні: 29.09.2017
Жалпы ақпарат:
Қазақ хандығының 550 жылдығына арналған "ҰЛЫ ДАЛА ЕЛІ" атты республикалық экспедиция
Мекеме қызметкерлері қыркүйек айында Қазақ хандығының 550 жылдығына арналған «ҰЛЫ ДАЛА ЕЛІ» атты республикалық тарихи-мәдени экспедицияcымен облыс аумағындағы тарихи орындар мен қалашықтарды таныстыру мақсатында іс-сапарда болып, нәтижесінде жыл қорытындысымен мекеменің инспекторы Елеуов Еркебұлан Елбасының марапатына ие болды.
Өткен тарихтан сыр шертетін, атадан балаға мұра болып қалған құнды мұраларды одан әрі сақтау, дүниежүзілік деңгейде насихаттау, инфрақұрылымды дамыта отырып туризмнің басты нысанына айналдыру, кейінгі ұрпаққа тарихи-мәдени құндылығын жоғалтпай мұра ету бағытындағы келелі істер алдағы уақытта да жүйелі түрде атқарылатын болады.
«Тарих және мәдениет ескерткіштерінің жай-күйі және олардың қорғалу мәселелері» атты семинар өткізілді
Ақпарат қосылу\жаңартылу күні: 29.09.2017
Жалпы ақпарат:
«Тарих және мәдениет ескерткіштерінің жай-күйі және олардың қорғалу мәселелері» атты семинар өткізілді.
2016 жылдың қаңтар айында облыстық тарихи және мәдени ескерткіштерді қорғау жөніндегі коммуналдық мемлекеттік мекемесінің ұйымдастыруымен «Тарих және мәдениет ескерткіштерінің жай-күйі және олардың қорғалу мәселелері» атты семинар өткізілді. Семинарға Қызылорда облысының мәдениет, мұрағаттар және құжаттама басқармасының бөлім басшысы Ж.Нұржақыпова, мекеме қызметкерлері мен ескерткіштер жөніндегі аудандық бөлімдердің мамандары қатысты. Семинар барысында 2015 жылдың есебі мен 2016 жылдың жоспары және облыс көлеміндегі тарихи-мәдени мұраларға байланысты өзекті мәселелер талқыланды. Семинар соңында мекеме қызметкерлері мен аудандағы мамандар басқарма басышысының алғыс хатымен марапатталды.
Жетіасар мәдениеті ескерткіштерін насихаттауға арналған «Ежелгі өркениет ізімен» атты пресс-тур өтті
Ақпарат қосылу\жаңартылу күні: 29.09.2017
Жалпы ақпарат:
2016 жылы 18 сәуір Халықаралық ескерткіштер мен тарихи орындар күніне орай Жетіасар мәдениеті ескерткіштерін насихаттауға арналған «Ежелгі өркениет ізімен» атты пресс-тур өткізілді
Халықаралық ескерткіштер мен тарихи орындар күнін 1982 жылы ЮНЕСКО жанынан құрылған Халықаралық ескерткіштер мен көрнекті орындарды қорғау мәселелері жөніндегі Кеңес ассамблеясы бекіткен. Осы уақыттан бастап дүние жүзінде бұл күн кең көлемде аталып өтіліп, мәдени құндылықтарды сақтау және оларды насихаттау бағытында түрлі шаралар ұйымдастырылып келеді.Бүгінгі күні облыс бойынша 511 ескерткіш мемлекет қорғауына алынған. Оның ішінде 21 ескерткіш республикалық, 274-і жергілікті маңызы бар, 216 ескерткіш тарихи-мәдени мұра объектілерінің алдын-ала тізіміне енгізілген. Биылғы тұғырлы жыл аясында Халықаралық ескерткіштер мен тарихи орындар күніне орай 18 сәуір күні Қызылорда облысының Мәдениет, мұрағаттар және құжаттама басқармасының қолдауымен, облыстық тарихи және мәдени ескерткіштерді қорғау жөніндегі коммуналдық мемлекеттік мекемесінің ұйымдастыруымен Қармақшы ауданында «Ежелгі өркениет ізімен» атты Жетіасар мәдениеті ескерткіштерін насихаттауға арналған пресс-тур өтті. Аталған танымдық шара Қармақшы ауданы территориясындағы Жетіасар шатқалы ескерткіштеріне кіретін Жалпақасар, Томпақасар, Кіші Қосасар қалашықтарын қамтыды. Оған ЮНЕСКО-ның Қазақстандағы өкілдігінің эксперті, белгілі археолог Д.Воякин, Қорқыт ата атындағы Қызылорда мемлекеттік университеті «Археология және этнография» ғылыми-зерттеу орталығының жетекшісі Ә. Тәжекеев, орталықтың ғылыми қызметкері Р. Дарменов, Мәдениет басқармасының, музей және ескерткіштерді қорғау мекемесінің қызметкерлері мен БАҚ өкілдері қатысты. Пресс-турға қатысқан археолог-ғалымдар, тиісті мекеме өкілдері Сыр өңірінің бірегей тарихи-мәдени мұра объектісі болып саналатын Жетіасар шатқалы ескерткіштерінің өзіне тән ерекшеліктерін, олардың пайда болуы мен өмір сүру уақытын баяндап, қызықты деректерді БАҚ өкілдеріне назарына жеткізді. Сонымен қатар, бұл асараларға кешенді түрде зерттеу жұмыстарының жүргізілу қажеттігін, туристік нысанға айналдырудың маңыздылығын айтып, оның нәтижесімен Жетіасар ескерткіштерін дүниежүзілік мұра объектісінің санатына енгізу шараларын атқаруды ұсынды. Сондай-ақ, бұл айтулы күнге орай облыс орталығы мен аудандарда түрлі мәдени-көпшілік шаралар мен ескерткіштер маңында сенбіліктер ұйымдастырылды.
18 апреля Международный день памятников и исторических мест был утвержден Ассамблеей Международного совета по вопросам памятников и достопримечательностей, созданной при ЮНЕСКО в 1982 году. Праздник проходит в мире с 18 апреля 1984 года, в целях сохранения и пропаганды культурных ценностей среди населения проводятся различные мероприятия.
На сегодняшний день по области 553 памятника взяты под охрану государства. Из них 30 памятников республиканского значения, 256 памятников местного значения, 267 памятников включены в предварительный список объектов историко-культурного наследия.
При поддержке областного акимата в течение четырех лет проводились комплексные археологические исследования городищ Сыганак, Жанкент и Чирик Рабат, Сортобе, Жент и мавзолея Кердери на территории области, кроме того в текущем году запланированы раскопки городищ Кышкала и Бабиш мола.
В целях включения памятников сыра в список Всемирного наследия ЮНЕСКО разработана полная документация и определены охранные зоны городищ Сыганак, Жанкент, петроглифов Сауыскандык, памятников Жетиасарской культуры.
Кроме того, во второй половине текущего года будут построены новые памятники и скульптуры в областных и районных центрах.
При поддержке Управления культуры, архивов и документации Кызылординской области, областным государственным учреждением по охране памятников истории и культуры 17 апреля в честь Международного дня памятников и исторических мест была проведена экскурсия по памятникам Жетиасарской культуры и памятному комплексу Коркыт ата.
18 апреля республиканский семинар-совещание на тему: «историко-культурное наследие: опыт, проблемы и перспективы развития» был посвящен обсуждению актуальных проблем в области, рассмотрению путей их решения, пропаганде мероприятий по сохранению и использованию историко-культурного наследия.
В мероприятии приняли участие ученые Международного казахско - турецкого университета им. Ходжа Ахмета Яссауи (г.Туркестан), директора областных центров и инспекций по охране историко-культурного наследия Алматинской, Южно-Казахстанской, Жамбылской, Западно-Казахстанской, Актюбинской, Атырауской областей и Г.А. Оспанов, Ж.К. Курбан, С.Р. Илияс и Т.Т. Жусупкалиев, А.М. Мамедов, М.Кипиев и специалисты по охране историко-культурного наследия Жамбылской, Карагандинской областей, руководители районных отделов культуры, в мероприятии приняли участие представители регионального центра «Рухани жаңғыру»(модернизация общественного сознания) и руководители управлений.
Для участников республиканского семинара-совещания в областной универсальной научной библиотеке им.А. Тажибаева была организована выставка на тему «Сыр бойы – мыңжылдықтар мирасы».
Кроме того, в областном центре и районах к этому знаменательному дню проведены культурно-массовые мероприятия, тематические лекции, круглые столы, выставки и субботники вокруг памятников, благоустройство-озеленение и уборка территории.
Фотобаян
Записей не найдено.
