Владимир Счастнов мүсіні

Мекен жайы: Қазалы ауданы, Әйтеке би кенті, Қ.Пірімов көшесі, Жеңіс саябағында орналасқан

Ақпарат қосылу\жаңартылу күні: 13.09.2017

Жалпы ақпарат:

2016 жыл

1915 жылы бұрынғы Жаңақазалы станциясында, қазіргі Әйтеке би кентінде шаруа отбасында дүниеге келген. 1938 жылы Хасан көлі маңында жапондармен болған шайқасқа қатысқан. 1942 жылдың наурыз айында Кеңес-Герман майданына аттанған.

1944 жылдың қазан айында гвардия сержанты В.М.Счастновтың саперлер бөлімшесіне шабуылдаушы күштер үшін Гробник деревнясының маңындағы алаңды жау минасы мен тікенек сымдардан тазарту міндеті қойылды. Тапсырманың негізгі бөлігі орындалған кезде аяқ астынан мина жарылып, жарқыншақтарынан бірнеше жауынгер қаза табады.

В.М. Счастнов басы мен қолынан сегіз жерінен жарақат алады. Тірі қалған үш жауынгер өз жұмыстарын жалғастыра береді де, Владимир жеке өзі 18 минаны залалсыздандырады. Кезекті жарылған мина оның аяғын жұлып кетеді. Осыған қарамастан В.М.Счастнов жолдастарымен жауынгерлік тапсырманы толық орындап, ерлік пен батылдық үлгісін көрсетіп, 1944 жылы қаза табады. 1945 жылдың 24 наурызында КСРО Жоғарғы Кеңесі Президиумының Жарлығымен Кеңес Одағының Батыры атағы берілген.

Қазіргі уақытта Әйтеке би кентінде В.М.Счастновтың есімімен аталатын көше атауы бар.

Мүсін 2,0 натуралық өлшемде қола материалынан құйылған. Жалпы биіктігі 3 метр, оның ішінде мүсіннің биіктігі 1,30 метр, салмағы 350 кг. Тұғыры бетоннан құйылып, сырты гранитпен қапталған. Өлшемдері h-1,70 метр, 70х70 см. Мүсіннің авторы – А.Кененбаев.

Барлық бейнелері