Кәрібоз Әлимаев мүсіні

Мекен жайы: Қазалы ауданы, Әйтеке би кенті, Қ.Пірімов көшесі, Жеңіс саябағында орналасқан

Ақпарат қосылу\жаңартылу күні: 14.09.2017

Жалпы ақпарат:

Кәрібоз Әлимаев мүсіні,

2016 жыл

1936 жылы Қазалы ауданы, Бозкөл ауылында дүниеге келген. 1956-1957 жылдары Қазалы қаласындағы ауыл шаруашылығын механикаландыру техникумын «механизатор» мамандығы бойынша бітірген. 1959 жылдан «Бозкөл» кеңшарында механизатор болып еңбек етеді.

Әлимаев Кәрібоз жер жырту нормасын 1964-1966 жылдарда 141,158 пайызға орындаған. 1966 жылы маусымдық жұмыста 528 гектар егістік жердің орнына 1031 гектар жер жыртып, тұқым себуге әзірлеген. Осы еңбек жетістігіне және еңбекқорлығы мен тындырымдылығына байланысты 1967 жылы Социалистік Еңбек Ері атағы берілді. Атақты диқан 1993 жылы зейнеткерлік демалысқа шықты.

2009 жылы Кәрібоз Әлимаевқа «Қазалының құрметті азаматы» атағы берілді.

Қазіргі уақытта Лахалы ауылына қоныстанып, отбасында жеті бала тәрбиелеп, немере-шөберелерінің қызығына бөленіп, шаңырақтың ұйытқысы болып отырған бақытты жан.

Мүсін 2,0 натуралық өлшемде қола материалынан құйылған. Жалпы биіктігі 3 метр, оның ішінде мүсіннің биіктігі 1,30 метр, салмағы 350 кг. Тұғыры бетоннан құйылып, сырты гранитпен қапталған. Өлшемдері h-1,70 метр, 70х70 см. Мүсіннің авторы – А.Кененбаев.

Барлық бейнелері