Мекен жайы: Қызылорда облысы, Қызылорда қаласы, №6 мектеп ауласында орналасқан

Ақпарат қосылу\жаңартылу күні: 04.09.2017

Құжаттама: жүктеп алу

Жалпы ақпарат:

Санаты: Тарихи-мәдени мұра объектілерінің алдын-ала тізіміне енгізілген.

Тарихы: «Ұлылардың ұлағатын ұмытпау - ел боламыз деген халықтың тарих алдындағы парызы» Саналы ғұмырын халықтың әл-ауқатын жақсартуға арнап, Сыр өңірінің өркендеуіне, дамуына қайталанбас қолтаңбасын қалдырған Мұхамедғали Әленұлы Сужиковтің нар тұлғасы заман өткен сайын биіктей бермек. Мұхамедғали Әленұлы Сужиков 1910 жылы 15 қыркүйекте қазіргі Астрахань облысы Володар (Марфа) ауданында дүниеге келген. Еңбек жолын мұғалімдіктен бастап, қазақ жұмысшылар факультетінің директоры қызметіне дейін көтеріледі. Қоғамдық-саяси жұмыстарға белсене араласып, 28 жастағы ұстаз аудандық партия конференциясында аудандық комитеттің және оның бюросының мүшесі болып сайланады. Сталинград облысы Володар аудандық атқару комитетінің төрағасы болып тағайындалады. 1948 жылы Қазақстанға жолдама алып, Ақтөбе облыстық партия комитетінің кадр жөніндегі хатшысы болып сайланды. Көп ұзамай облыстық партия комитетінің бірінші хатшылығына бекіп, 1951 жылдың соңына қарай Қазақстан Компартиясы Орталық Комитетінің хатшысы қызметіне сайланды. 1954 жылы Орталық комитеттің идеология жөніндегі хатшысы қызметін атқара жүріп, Қызылорда облыстық партия комитетінің пленумында обкомның бірінші хатшылығына сайланды.

1954 жылы мамыр айының ая­ғын­да Қазақстан Компартиясы Ор­та­лық Комитетінің идеология жө­ніндегі хатшысы М.Сужиков Қы­зы­л­орда облыстық партия комитетінің плену­мында обкомның бірінші хатшыл­ы­ғына сайланады. Мұхамедғали Әленұлы жаңа қызметке сайланысымен, облыстың әлеу­меттік-экономикалық жағдай­ла­рын біліп, алдағы бағытты айқындау мақсатында әрбір аудан, ірі шаруашылықтарға арнайы бригадалар жіберіп, олардың талдаулары мен қорытындылары жан-жақты қаралып, сараптама жаса­лынады. Мұхамедғали Әленұлы облысқа келісімен-ақ тікелей айналысқан мә­се­­лесінің бірі – сол кездері Арал және Қазалы аудандарында жиірек кез­дескен аса қасіретті ауру – ала­песпен күрес болады. Сужиков бұл проблеманы ұлттық, өмірлік мәселе ретінде одақтық деңгейге көтереді. КСРО Министрлер Кеңесінің “Қы­зыл­орда облысында алапеспен кү­ресудің кезек күттірмейтін шаралары туралы” қаулысын қабылдатады. Үкі­мет науқастардың өмірін әлеуметтік-экономикалық жағынан қай­та құрудың түбірлі шараларын белгіледі. Сыр бойының ардагерлері М.Су­жиков 3,5 жылдан астам уақыт ішінде облыстың келешегіне негіз салғанын, облыс тарихында алтын әріппен жазылған, жұртшылықтың жадында мәңгі сақталып қалған ауқымды-ауқымды істерді жүзеге асырғанын, кадр мәселесінде аса тазалықпен, біліктілікпен жұмыс жасағанын күні бүгінге дейін айтылады.

Сипаттамасы: 2015 жылы Қызылордада Сыр өңірінің дамуына өлшеусіз үлес қосқан көрнекті мемлекет және қоғам қайраткері Мұхамедғали Әленұлы Сужиковтің бейнесін есте қалдыру мақсатында мүсіні №6 орта мектебінің ауласында орнатылды. Мүсін қола матералынан құйылған. Биіктігі 1,1 метр, салмағы 380 кг. Тұғыры бетоннан құйылып, сырты гранитпен қапталған. Өлшемдері h-2,30 метр, 60х60 см. Мүсіннің авторы – мүсінші Жәркен Исмагулов.

М.Сужиковтің қызметі туралы мәліметтер «Kazinform» (https://www.inform.kz/kz/kyzylordada-muhamedgali-suzhikovke-eskertkish-byust-ornatyldy_a3012975) және «Egemen Qazaqstan» (https://egemen.kz/article/5165-qaysar-qayratker) сайттарынан алынды.